مه جان برار

برار خامبه اتا چی باوم ته پیش بمونه:
مه دل خله درد دره از همون صوایی که مه ره باتنه خانطومان آزاد بیه،از همون صوایی مه دل قرار نداشته،همش گته مه جان بلباسی دره انه حاج سعید و حاج رحیم و جمشیدی و حسین آقا دره انه... اما برار ته که ندوندی وقتی خبر بیاردنه علی آقا و حاج سعید ره بیاردنه من چتی بیمه اصلا انگار مه ره دمبدانه تَش دله اسا که بله مه ره خاموش هاکنن مه رو نفت شندنه...
برار ته که ندوندی چتی هسمه این روزا، اتا جا بند نیمه وقتی بدیمه مه جان شهدا ره بوردنه مشهد مه جان امام رضای پیش وشونسه سرجدای روضه ره بخونسنه آخ مه دل ته چتی طاقت یارنی اینا ره اشنی و پاره نانی آخ مه دل ته وسه من چنده درد بکشیمه ...
برار مه دل خله ونه راه دکفم بیم ته پلی ته پیش بمونم و دیگه دگرسنه یاد بکنم ولی برار هرجا شومبه گننه دیگه راهی نکمبی،ته که دوندی چنده گناهکارمه ته پیش من برمه زاری نکنم کنه پلی هاکنم برار!!
برار ممدحسین ته پیش که کم نانه اتا شو من ته جا گپ بزنم ته مه وسه از خانطومان بووشی و از اون شو و صوایی که ارباب شمه پیش دیه و از اون حال و هوای خشی که داشتنی باوی... آخ که مه دل چنده خانه ته واری خریدار دارِم ته واری من بی قرار دل دارم...آخ برار...
گمبه برار!!! ته حتما بشدونسی که امه مارون نفرین کردنه و گتنه (الهی درد بی درمون دکفی)،الان من همون درد دچار بیمه،انده این درد مه رو فشار بیارده که نلنده من خار خاری فکر هاکنم نلنده من نفس بکشم... برار! ندومبه این درد دس بله کجه فرار هاکنم...
برار حاج عمار ته که مه دل درد ره دوندی پس باتن ندارنه ولی چه هاکنم که چاره ندارمه...راستی برار خبر دارنی من ته ره واسطه بیتمه که مه وسه اتا خاره نومزه پیدا هاکنی ولی ته انگار مه ره یاد بکردی و بوردی که بوردی،برار من ته ره یاد بکردمه ته چتی مه ره یاد بکردی،اره دیگه وقتی آدم شهید باون و خاطرخاه زیاد دارن دیگه اینتی بله باوه دیگه بلاخره اتی ره بله یاد بکنن ...هعی برار ته دست درد نکنه مه درد ره گوش هدایی مه نخاش گپ ره بشدونسی ته اگه مه رفق نیبی من ندونسمه کنه جا بله درد دل هاکنم...
برار از ته بوردن تا الان که درمه ته جا گپ زمبه خله سال نگذرنه ولی برار انده امه مردم وسه سخت بگذشته که اصلا نتومبه حرف بزنم اتا نمونه ته وسه باوم اینتا هسه که ته فرمانده همونتایی که ته ره گته( ونه پیش همت واری هسی )شهید بیه و امه آقا جان تن بید واری لرزه دکته و امه مملکت دیگه آرامش ندییه بعد از وه...
برار ته دست الان خله پِره و ته دس و بال ره ارباب زودتر گرنه ته بخا این ویروس مول کته زودتر بوره ایرانه جا ته بخا تا امه مردم عاقبت به خیر باون ته بخا زودتر امه جان امام بیه...
آخ برار من هرچی ته پیش گپ بزنم تمومی ندارنه ولی برار قلم دیگه مه ره تن ندنه بنویسم پس بهتره همینجه تنه جا من خداحافظی هاکنم و بورم فقط برار اتا خواهش دارم تنه جا اونتام این هسه که شه قول سر دواشی و مه وسه اتا خار نومزه پیدا هاکنی برار...

تقدیم به روح فرمانده بی بدیل عرصه مقاومت شهید حاج عمار عبدی که سلیمانی به او به چشم شهید همت مینگریست...
محمدرضا فولادی

میراث گرانبهای آدمی...